ଅନୁଗୁଳ: ଲକ୍ଡ଼ାଉନ ଆଳରେ ଅନୁଗୁଳରେ କେତେକ ଅସାଧୁ ବ୍ୟବସାୟୀ ବିଭିନ୍ନ ସାମଗ୍ରୀର କଳାବଜାରୀ ଆରମ୍ଭ କରିଦେଇଛନ୍ତି। ବିଶେଷକରି ଗୁଟକା ଓ ସିଗାରେଟ୍ ଚଢ଼ା ଦରରେ ବିକ୍ରି ହେଉଥିବା ଅଭିଯୋଗ ହୋଇଛି। ଅସାଧୁ ହୋଲସେଲ ବ୍ୟବସାୟୀଙ୍କ ଲାଭଖୋର ମନୋବୃତ୍ତି ଯୋଗୁ ୫ଟଙ୍କାର ଗୁଟକା ୮/୧୦ଟଙ୍କା ପର୍ଯ୍ୟନ୍ତ ବିକ୍ରି ହେଉଛି। ଲକଡାଉନ୍ ଆରମ୍ଭ ପୂର୍ବରୁ ହୋଲସେଲ ବ୍ୟବସାୟୀମାନେ ବିପୁଳ ପରିମାଣର ତମାଖୁଜାତ ଦ୍ରବ୍ୟ ମହଜୁଦ ରଖିଥିଲେ। ଏବେ ସେସବୁକୁ ଚଢାଦରରେ ଖୁଚୁରା ବ୍ୟବସାୟୀଙ୍କୁ ବିକ୍ରି କରୁଛନ୍ତି। କଳାବଜାର ରୋକିବାକୁ ଜୋରଦାର ଚଢ଼ଉ କରାଯିବାକୁ ଦାବି ହୋଇଛି।
