ଅନୁଗୁଳ: ଜିନ୍ଦଲ ଷ୍ଟିଲ ଆଣ୍ଡ ପାୱାର ପକ୍ଷରୁ ଓ ପି ଜିନ୍ଦଲ ଗ୍ରୁପ୍ ଚେୟାରମ୍ୟାନ୍ ଏମିରିଟସ୍ ସାବିତ୍ରୀ ଜିନ୍ଦଲଙ୍କ ଜନ୍ମ ଦିବସ କମ୍ପାନୀର ସମସ୍ତ ଅଂଶୀଦାର ଏବଂ ସ୍ଥାନୀୟ ଗ୍ରାମବାସୀଙ୍କ ଗହଣରେ ହର୍ଷ ଓ ଉଲ୍ଲାସର ସହ ପାଳିତ ହୋଇଛି।
ଏହି ଦିନଟିକୁ ଅଧିକ ସ୍ମରଣୀୟ କରିବା ପାଇଁ ଜେଏସପିର ସାମାଜିକ ଦାୟିତ୍ୱବୋଧ ବିଭାଗ ଭାବେ କାର୍ଯ୍ୟରତ ଜେଏସପି ଫାଉଣ୍ଡେସନ ପକ୍ଷରୁ ଅନୁଗୁଳ ଜିଲ୍ଲାର କୁଷ୍ଠାଶ୍ରମ, ଆଦିବାସୀ ଜନଜାତିଙ୍କ ଜରା ନିବାସରେ ଗ୍ରୀଷ୍ମ କାଳୀନ ପୋଷାକ ଏବଂ ପୁଷ୍ଟିକର ଶୁଖିଲା ଖାଦ୍ୟ ପ୍ୟାକେଟ ପ୍ରଦାନ କରାଯାଇଥିଲା। ଏହି ସମାରୋହରେ ଅନେକ ସ୍ଥାନୀୟ ବାସିନ୍ଦା ମଧ୍ୟ ସାମିଲ ହୋଇଥିଲେ।
କମ୍ପାନୀର ଅନୁଗୁଳ ଶାଖାର ନିର୍ବାହୀ ନିର୍ଦ୍ଦେଶକ ପଙ୍କଜ ମଲ୍ହାନ ଓ ଦାମୋଦର ମିତ୍ତଲ ଶ୍ରୀମତୀ ଜିନ୍ଦଲଙ୍କ ଉଦ୍ଦେଶ୍ୟରେ ଏକ କେକ୍ କାଟି ତାଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇଥିଲେ। ଏଥିରେ କମ୍ପାନୀର ଅନେକ କର୍ମଚାରୀ ଅନ୍ୟ ଅଂଶୀଦାରମାନେ ଭାଗ ନେଇଥିଲେ।
ସେହିଭଳି ଜିନ୍ଦଲ ମହିଳା ସମିତି ପକ୍ଷରୁ ଅନିତା ମିତ୍ତଲଙ୍କ ନେତୃତ୍ୱରେ ଜନ୍ମ ଦିବସର କେକ କଟା ଯାଇ ଶ୍ରୀମତୀ ଜିନ୍ଦଲଙ୍କୁ ଶୁଭେଚ୍ଛା ଜଣାଇବା ସହ ତାଙ୍କର ଦୀର୍ଘ ନିରାମୟ ଜୀବନ କାମନା କରାଯାଇଥିଲା।
ଏହି ଅବସରରେ ଶ୍ରୀମତୀ ଜିନ୍ଦଲଙ୍କ ନିରନ୍ତର ସୁସ୍ଥତା କାମନା କରି ଦେବଭୂମି ଜଗନ୍ନାଥ ମନ୍ଦିରରେ ଏବଂ ଡିଏଭି ସାବିତ୍ରୀ ଜିନ୍ଦଲ ହାଇସ୍କୁଲ ପରିସରରେ ସ୍ଵତନ୍ତ୍ର ପୂଜାର୍ଚ୍ଚନା ଓ ପ୍ରାର୍ଥନା ଅନୁଷ୍ଠିତ ହୋଇଥିଲା।
ଏତଦବ୍ୟତୀତ ଶ୍ରମିକ ବିହାର, ଜିନ୍ଦଲ – ଆଶା, ସାବିତ୍ରୀ ଜିନ୍ଦଲ ସ୍କୁଲ ପରିସରରେ ମଧ୍ୟ ଜନ୍ମଦିନ ପାଳିତ ହୋଇଛି।
