ଅନୁଗୁଳ : ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି)ର ଅଭିନ୍ନ ଅଙ୍ଗ ଜିନ୍ଦଲ ଫାଉଣ୍ଡେସନ ପକ୍ଷରୁ ଚାଲିଥିବା ‘ଉତ୍କର୍ଷ’ କାର୍ଯ୍ୟକ୍ରମ ଜରିଆରେ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ୨୦ ଜଣ ସଫଳ ଓପିଏସସି କୃତି ପ୍ରାର୍ଥୀଙ୍କୁ ସମ୍ମାନିତ କରାଯାଇଛି।
ରାଜ୍ୟ ପ୍ରସାଶନିକ ସେବା ପରୀକ୍ଷାରେ ସଫଳତା ପାଇଥିବା ୨୦ ଜଣଙ୍କ ମଧ୍ୟରେ ସିଦ୍ଧାର୍ଥ ଆନନ୍ଦ ପଣ୍ଡା ୯୬ ରାଙ୍କ, ସଞ୍ଜୟ ମିଶ୍ର ୧୧୨ ରାଙ୍କ ଏବଂ ସରୋଜ କୁମାର ବେହେରା ୧୬୦ ରାଙ୍କ ହାସଲ କରିଛନ୍ତି। ସେହିପରି ଅନ୍ୟମାନଙ୍କ ମଧ୍ୟରେ ଶ୍ରଦ୍ଧା ରଞ୍ଜନ ୨୪୦ ରାଙ୍କ, କୁମାର ଅଭିନାଶ ୨୭୮ ରାଙ୍କ, ଏନ୍ ପଲ୍ଲବୀ ୨୯୭ ରାଙ୍କ ଏବଂ ଅନ୍ୟମାନେ ଏହି ସଫଳତା ପାଇଛନ୍ତି। ଏହି କୃତି ପରୀକ୍ଷାର୍ଥୀଙ୍କୁ ସମ୍ମାନିତ କରିବା ପାଇଁ ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି) ଅନୁଗୁଳ ପକ୍ଷରୁ ଏକ ସ୍ୱତନ୍ତ୍ର ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଥିଲା। ଯେଉଁଠାରେ ଜେଏସପିର କାର୍ଯ୍ୟନିର୍ବାହୀ ନିର୍ଦ୍ଦେଶକ ପଙ୍କଜ ମଲହାନ ଏବଂ କାର୍ଯ୍ୟନିର୍ବାହୀ ନିର୍ଦ୍ଦେଶକ ଦାମୋଦର ମିତ୍ତଲ ଏହି କୃତି ପରୀକ୍ଷାର୍ଥୀଙ୍କୁ ସମ୍ମାନିତ କରିଥିଲେ। ଏହି ଅବସରରେ କୃତି ପ୍ରାର୍ଥୀମାନଙ୍କୁ ପ୍ଲାଣ୍ଟ ପରିଭ୍ରମଣ କରାଯାଇଥିଲା।
୨୦୨୧ ମସିହାରେ ଆରମ୍ଭ ହୋଇଥିବା ‘ଉତ୍କର୍ଷ’ କାର୍ଯ୍ୟକ୍ରମ, ଓଡିଶାର ଯୋଗ୍ୟ ଛାତ୍ରମାନଙ୍କୁ ସେମାନଙ୍କର ସ୍ୱପ୍ନକୁ ବାସ୍ତବରେ ପରିଣତ କରିବାରେ ସାହାଯ୍ୟ କରିବା ଉପରେ ଧ୍ୟାନ ଦେଇ ଆସୁଛି। ଏହି ଅନଲାଇନ୍ ଏବଂ ଅଫ୍ ଲାଇନ୍ କୋଚିଂ କାର୍ଯ୍ୟକ୍ରମରୁ ଏପର୍ଯ୍ୟନ୍ତ ପ୍ରାୟ ୨,୦୦୦ ଛାତ୍ରଛାତ୍ରୀ ଉପକୃତ ହୋଇଛନ୍ତି। ‘ଉତ୍କର୍ଷ’ କାର୍ଯ୍ୟକ୍ରମରେ ଯୋଗଦେବାକୁ ଆଗ୍ରହୀ ଥିବା ଛାତ୍ରଛାତ୍ରୀମାନେ ଅଧିକ ବିବରଣୀ ପାଇଁ 9437305797 ନମ୍ବର ସହ ଯୋଗାଯୋଗ କରିପାରିବେ। ଏହି ସମ୍ବର୍ଦ୍ଧନା ଉତ୍ସବରେ ଜେଏସପିର ଅନୁଗୁଳ ସିଏସଆର୍ ମୁଖ୍ୟ ତଥା ଜିଏମ୍ ଜୟନ୍ତ କୁମାର ମହାନ୍ତି ଏବଂ ଅନ୍ୟ ସିଏସ୍ଆର୍ ସଦସ୍ୟମାନେ ଉପସ୍ଥିତ ଥିଲେ।
