ଅନୁଗୁଳ: କରୋନା କାଳରେ ମାତିଛନ୍ତି ଚୋର। ପୁଲିସ୍କୁ ଖୋଲା ଚ୍ୟାଲେଞ୍ଜ ଦେଇ ନିଧଡ଼କ କରୁଛନ୍ତି ଲୁଟପାଟ୍ । ଅନୁଗୁଳ ସଦର ଥାନା ଇଲାକା ଚଣ୍ଡିଖମଣ ଛକରେ ଥିବା ଏକ ଔଷଧ ଦୋକାନରୁ ଶନିବାର ରାତିରେ ଚୋରି ହୋଇଛି। ଦୁର୍ବୃତ୍ତମାନେ ଝରକା ତାଡ଼ି ଔଷଧ ଦୋକାନରୁ ଟଙ୍କା ଓ ଗିଫ୍ଟ ସାମଗ୍ରୀ ଲୁଟି ଚମ୍ପଟ ମାରିଛନ୍ତି ।ଏନେଇ ସଦର ଥାନାରେ ଲିଖିତ ଅଭିଯୋଗ ହୋଇଛି ପୁଲିସ୍ ସୂଚନା ମୁତାବକ, ଖଣ୍ଡହତା ଗ୍ରାମର ଟିକନ ସାହୁଙ୍କ ଏକ ଔଷଧ ଦୋକାନ ଚଣ୍ଡିଖମଣ ଛକରେ ରହିଛି । ଗତ ଶନିବାର ରାତି ପ୍ରାୟ ସାଢ଼େ ୮ଟାରେ ଦୋକାନ ବନ୍ଦ କରିଥିଲେ । ଦୋକାନ ତାଲା ପକାଇ ଘରକୁ ଯାଇଥିଲେ। ମାତ୍ର ରବିବାର ସକାଳେ ଆସି ଦେଖିଲା ବେଳକୁ ଝରକା ଭଙ୍ଗା ଯାଇଥିବା ଦେଖିବାକୁ ପାଇଥିଲେ। ଦୁର୍ବୃତ୍ତ ଝରକାର ଗ୍ରୀଲ୍ ଝିଙ୍କିବା ପରେ କ୍ୟାସବକ୍ସରେ ଥିବା ୬ ହଳାର ଟଙ୍କା ଓ ବହୁ ଗିଫ୍ଟ ସାମଗ୍ରୀ ଚୋରି କରି ନେଇଥିବା ଜାଣିବାକୁ ପାଇଥିଲେ। ପରେ ଟିକନ ଏନେଇ ସଦର ଥାନାରେ ଏତଲା ଦେବା ପରେ ପୁଲିସ୍ ଏ ସଂକ୍ରାନ୍ତରେ ମାମଲା ରୁଜୁ କରି ଅନୁସନ୍ଧାନ ଆରମ୍ଭ କରିଛି।
