ଆଠମଲ୍ଲିକ : ଆଠମଲ୍ଲିକ ସହରର ଅବସରପ୍ରାପ୍ତ ପ୍ରଧାନଶିକ୍ଷକ ରମାକାନ୍ତ ସାହୁଙ୍କର ଗତ ୪ ତାରିଖରେ ୯୫ ବର୍ଷ ବୟସରେ ପରଲୋକ ଘଟିଛି l ତାଙ୍କ ପରଲୋକରେ ସହରରେ ଶୋକର ଛାୟା ଖେଳିଯାଇଛି l
ଶ୍ରୀ ସାହୁ ଶିକ୍ଷାଦାନ କରିବା ସହ ଜଣେ ଛାତ୍ରବତ୍ସଳ ଶିକ୍ଷକ ଥିଲେ l ସେ ଜଣେ ସ୍ୱାଧୀନତା ସଂଗ୍ରାମ ଭାବେ ପ୍ରଜାମଣ୍ଡଳ ଆନ୍ଦୋଳନରେ ଭାଗ ନେଇଥିଲେ l ଏଥିସହ ସେ ଜଣେ ହାରମୋନିୟମ ବାଦକ ମଧ୍ୟ ଥିଲେ l ସେ ଆଠମଲ୍ଲିକ ଉପଖଣ୍ଡର ଟାଉନ ବାଳକ ସ୍କୁଲ, ଲିପ୍ତିଙ୍ଗା ଉଚ୍ଚ ପ୍ରାଥମିକ, ହରିଡ଼ାନାଳୀ ଉଚ୍ଚ ପ୍ରାଥମିକ, ତେନ୍ତୁଳିପଦର ଉଚ୍ଚ ପ୍ରାଥମିକ, ବିଲେଇନାଳୀ ଉଚ୍ଚ ପ୍ରାଥମିକ ଓ ବରଗାଁ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରିଥିଲେ l ଶେଷରେ ବରଗାଁ ଉଚ୍ଚ ପ୍ରାଥମିକ ବିଦ୍ୟାଳୟରୁ ପ୍ରଧାନଶିକ୍ଷକ ଭାବେ ଗତ ୧୯୯୧ ମସିହାରେ ଅବସର ଗ୍ରହଣ କରିଥିଲେ l ତାଙ୍କ ମୃତ୍ୟୁ ଖବର ପାଇ ବହୁ ବିଶିଷ୍ଟ ବ୍ୟକ୍ତି ବଙ୍ଗଳାସାହି ସ୍ଥିତ ବାସଭବନରେ ପହଞ୍ଚି ଶେଷ ଦର୍ଶନ କରିଛନ୍ତି l
