ଛେଣ୍ଡିପଦା: ଅନୁଗୁଳ ଜିଲ୍ଲା ନିଶା ଶିଳ୍ପାଞ୍ଚଳ ଥାନା ପୋଲିସ ବୁଧବାର ଦୁଇ ଜଣ ଚୋରଙ୍କୁ ଗିରଫ କରି କୋର୍ଟଚାଲାଣ କରିଛି। ପୋଲିସ ସୂଚନା ମୁତାବକ, ଭୁବନପୁର ଗାଁରେ ଥିବା ଏକ ହଷ୍ଟେଲ ଭିତରୁ ୩ଟି ମୋବାଇଲ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା। ଏ ନେଇ ନିଶା ଶିଳ୍ପାଞ୍ଚଳ ଥାନାରେ ଏକ ମାମଲା ରୁଜୁ କରି ପୋଲିସ ତନାଘନା ଜାରି ରଖିଥିଲା। ତଦନ୍ତ ବେଳେ ସଦର ଥାନା କୁମଣ୍ଡ ଗ୍ରାମର ତାର୍ଜନ ନାଏକ ମୋବାଇଲ ଚୋରି କରିଥିବା ଜଣାପଡିଥିଲା। ଏନେଇ ନିଶା ପୋଲିସ ଚଢଉ କରି ତାର୍ଜନ ନାଏକଙ୍କୁ ଗିରଫ କରି ବୁଧବାର କୋର୍ଟ ଚାଲାଣ କରିଛି।
ସେହିପରି ନିଶା ଶିଳ୍ପାଞ୍ଚଳ ଥାନା ରାମଡିହ ଗ୍ରାମର ଏକ ଭଡାଘରୁ କେହି ନଥିବା ବେଳେ ଏକ ମୋଟର ସାଇକେଲ ଚୋରି ହୋଇଯାଇଥିଲା। ଏହି ମାମଲାରେ ପୋଲିସ ତଦନ୍ତ କରି ବନ୍ତଳା ଥାନା ପୁରୁଣାଗଡର ମିଲନ ନାଏକଙ୍କୁ ଗିରଫ କରି କୋର୍ଟଚାଲାଣ କରିଛି।
