ଅନୁଗୁଳ: ଅନୁଗୁଳ ଜିଲ୍ଲା ଆଠମଲ୍ଲିକ ପୂର୍ତ୍ତ ବିଭାଗ ରାସ୍ତାର ଠାକୁରଗଡ଼ ଥାନା ଆନନ୍ଦପୁର ତେଲ ଟାଙ୍କି ନିକଟରେ ଶୁକ୍ରବାର ରାତିରେ ଏକ ବାଇକ ଧକ୍କାରେ ଜଣଙ୍କ ମୃତ୍ୟୁ ଘଟିଛି। ମୃତକ ହେଲେ ଆନନ୍ଦପୁର ଗ୍ରାମର ବିଜୟ ଦେହୁରୀ।
ସୂଚନା ମୁତାବକ, ବିଜୟ ରାସ୍ତା ପାର ହେଉଥ‌ିବା ବେଳେ ବଇଣ୍ଡାରୁ ଆଠମଲ୍ଲିକ ଅଭିମୁଖେ ଯାଉଥ‌ିବା ଏକ ଦ୍ରୁତଗାମୀ ବାଇକ ତାଙ୍କୁ ଧକ୍କା ଦେଇଥିଲା। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଆଠମଲ୍ଲିକ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଉଥ‌ିବା ବେଳେ ବାଟରେ ତାଙ୍କର ମୃତ ହୋଇଥିଲା। ଦୁର୍ଘଟଣା ଘଟାଇଥିବା ବାଇକ ଫେରାର ହୋଇଯାଇଥିବା ପୋଲିସ କହିଛି। ଏ ନେଇ ୧୨୬/୨୫ ରେ ଏକ ମାମଲା ରୁଜୁ କରାଯାଇଛି।