ଅନୁଗୁଳ : ଅନୁଗୁଳ ଜିଲ୍ଲା ମହୀଧରପୁର ଫାଣ୍ଡି ଅନ୍ତର୍ଗତ ଫୁଲପଡ଼ା ନିକଟସ୍ଥ ଭଗାମୁଣ୍ଡା ଠାରେ ଅଟୋ ଓ କାର୍ ମଧ୍ୟରେ ଦୁର୍ଘଟଣା ଘଟି ୪ ଜଣ ଆହତ ହୋଇଛନ୍ତି।
ସୂଚନା ମୁତାବକ, କାରଟି ଅନୁଗୁଳ ଆଡୁ ଆସୁଥିବା ବେଳେ ଅଟୋ ମହୀଧରପୁରରୁ ଆସୁଥିଲା। ଭଗାମୁଣ୍ଡା ଠାରେ ଉଭୟେ ମୁହାଁମୁହିଁ ଧକ୍କା ହୋଇଥିଲେ। ଫଳରେ ୪ ଜଣ ଆହତ ହୋଇଛନ୍ତି। ଖବର ପାଇ ମହୀଧରପୁର ଫାଣ୍ଡି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିବା ଜଣାଯାଇଛି।
