ଅନୁଗୁଳ: କେନ୍ଦ୍ର ବିଜେପି ସରକାରଙ୍କ ଦ୍ଵାରା ପ୍ରଣୟନ ତିନି କୃଷି ଆଇନ୍ ବାତିଲ ଦାବିରେ କୃଷକ ସଙ୍ଗଠନଗୁଡ଼ିକ ପକ୍ଷରୁ ଦିଲ୍ଲୀଠାରେ ଚାଲିଥିବା କୃଷକ ଆନ୍ଦୋଳନକୁ ୬ ମାସ ପୂରିଛି। କେନ୍ଦ୍ର ସରକାର କୃଷକମାନଙ୍କ ଦାବିକୁ ଉପେକ୍ଷା କରି ଚାଲିଥୀବାରୁ କୃଷକ ସଙ୍ଗଠନମାନଙ୍କ ପକ୍ଷରୁ ଗତକାଲି ଦେଶବ୍ୟାପୀ କଳା ଦିବସ ପାଳିତ ହୋଇଛି। କୃଷକ ଆନ୍ଦୋଳନ ସମର୍ଥନରେ ଏବଂ ତିନି କୃଷି ଆଇନ୍ ବାତିଲ ଦାବିରେ ଏସୟୁସିଆଇ (କମ୍ୟୁନିଷ୍ଟ ) କିଶୋରନଗର ଆଞ୍ଚଳିକ କମିଟି ସମ୍ପାଦକ ତୀର୍ଥ ବାସୀ ଭୋଇ, ଚାଷୀନେତା ରମଣୀ ରଞ୍ଜନ ପ୍ରଧାନ, ପୀତାମ୍ବର ପ୍ରଧାନ, ରବିନ୍ଦ୍ର ସାହୁ ପ୍ରମୁଖ କଳା ଦିବସରେ ଅଂଶଗ୍ରହଣ କରିଥିଲେ । ସେହିପରି ସଂଯୁକ୍ତ କିଶାନ ମୋର୍ଚ୍ଚା ସମେତ ବିଭିନ୍ନ ସଂଗଠନ ପକ୍ଷରୁ କଳା ଦିବସ ପାଳିତ ହୋଇଯାଇଛି । ଚାଷୀ ସଂଗଠନ ଏଆଇକେକେଏମ୍.ଏସ୍, ଶ୍ରମିକ ସଂଗଠନ ଏଆଇୟୁଟିୟୁସି, ଯୁବ ସଂଗଠନ ଡିୱାଇଓ ପକ୍ଷରୁ ଅନୁଗୁଳ ଜିଲ୍ଲାବ୍ୟାପୀ ସାମାଜିକ ଗଣମାଧ୍ୟମ କରି ଆରେ ଦାବି ସମ୍ପର୍କିତ ପ୍ଲାକାର୍ଡ ପ୍ରଦର୍ଶନ କରାଯିବା ସହ ଆନ୍ଦୋଳନରେ ପ୍ରାଣ ହରାଇଥିବା ଚାଷୀଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା।
