ଅନୁଗୁଳ : ଅନୁଗୁଳ ଜିଲ୍ଲା ବଅଁରପାଳ ବ୍ଲକ୍ ଅନ୍ତର୍ଗତ ରାଣୀଗୋଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ନେତ୍ରମ୍ କେୟାର, ଭୁବନେଶ୍ୱରର ୟୁଥ୍ ଫର୍ ସେବା ଓ ରାଣୀଗୋଡା ବରିଷ୍ଠ ନାଗରିକ ମଞ୍ଚର ମିଳିତ ସହଯୋଗରେ ଏକ ମାଗଣା ଚକ୍ଷୁ ଚିକିତ୍ସା ଶିବିର ବୁଧବାର ଅନୁଷ୍ଠିତ ହୋଇଯାଇଛି। ଶିବିରରେ ୩୦ ଜଣ ସ୍କୁଲ ଛାତ୍ରଛାତ୍ରୀ ଓ ଗ୍ରାମର ୮୫ ଜଣ ବ୍ୟକ୍ତି ବିଶେଷଙ୍କୁ ନେତ୍ରମ୍ ଏବଂ ୟୁଥ୍ ଫର୍ ସେବା ତରଫରୁ ଏନ ୯୫ ମାସ୍କ ବଣ୍ଟନ କରା ଯାଇଥିଲା। ମୋଟ ୧୧୫ ଜଣଙ୍କ ଚକ୍ଷୁ ପରୀକ୍ଷା କରାଯାଇ ୨ ଜଣ ଛାତ୍ରଙ୍କୁ ମାଗଣାରେ ଚଷମା ପ୍ରଦାନ କରାଯିବାସହ ୨୪ ଜଣ ଗ୍ରାମବାସୀଙ୍କୁ ୮୦ ପ୍ରତିଶତ ରିହାତି ଦରରେ ଚଷମା ବିତରଣ କରାଯାଇଥିଲା। ଏହି ଶିବିରକୁ ୟୁଥ୍ ଫର୍ ସେବା ର ଚିଫ୍ କୋଡିନେଟର ରାଜେଶ ମହାନ୍ତି, ସହଯୋଗୀ ଅଭୟ ବଗର୍ତ୍ତୀ, ଗ୍ରାମର ବରିଷ୍ଠ ନାଗରିକମାନେ ପରିଚାଳନା କରିଥିଲେ। ମଞ୍ଚର ସଭାପତି ରାଜକିଶୋର ଦାସ, ସଂପାଦକ ବସନ୍ତ କୁମାର ଦାସ ଉପ ସଭାପତି ରମେଶ ଚନ୍ଦ୍ର ସାହୁଙ୍କ ସମେତ ସଭ୍ୟମାନେ ସହଯୋଗ କରିଥିଲେ।
