ବସୁଧା ଯୋଜନାରେ ଗାଁ’କୁ ପାଣି ଯୋଗାଇବା ପାଇଁ ଦାବିପତ୍ର

0

ଅନୁଗୁଳ: ଅନୁଗୁଳ ବ୍ଳକ୍ ନନ୍ଦପୁର ଗ୍ରାମ ପଞ୍ଚାୟତର ସମସ୍ତ ଗାଁ’କୁ ବସୁଧା ଯୋଜନାରେ ପାନୀୟ ଜଳ ଯୋଗାଇ ଦେବାକୁ ଦାବି ହୋଇଛି। କଂଗ୍ରେସର ଛାତ୍ର ନେତା ସ୍ବାଧୀନ ଦେହୁରୀଙ୍କ ନେତୃତ୍ବରେ ଶୁକ୍ରବାର ଏ ସଂକ୍ରାନ୍ତରେ ଏକ ଦାବିପତ୍ର ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁଙ୍କୁ ପ୍ରଦାନ କରାଯାଇଛି । ଅଭିଯୋଗ ମୁତାବକ, ସରକାରଙ୍କ ବସୁଧା ଯୋଜନାରେ ନନ୍ଦପୁର ପଞ୍ଚାୟତର କେବଳ ନନ୍ଦପୁର ଓ ବ୍ରହ୍ମପୁର ଗ୍ରାମକୁ ପାନୀୟ ଜଳ ଯୋଗାଇ ଦିଆଯାଉଛି। କିନ୍ତୁ ପଞ୍ଚାୟତର ମଧୁପୁର, ମାଧପୁର, କରତପଟା, କରଡାସିଂହ, ଚନ୍ଦନପୁର, ସାରୁଆଳି, ରାଜନଗର, ହିଂସାଲୋଇ ଓ ପବଲା ଗ୍ରାମର ଲୋକ ପାନୀୟ ଜଳରୁ ବଞ୍ଚିତ ହୋଇଛନ୍ତି। କିଛି ଗ୍ରାମରେ ୨ ବର୍ଷରୁ ଊର୍ଦ୍ଧ୍ବ ସମୟ ହେଲା ବୋରୱେଲ ଖୋଳା ସରିଛି। କିନ୍ତୁ ପାଇପ୍ ବିଛା ହୋଇନଥିବାରୁ କାମ ଆଗେଇ ପାରୁନି । ଏହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି। କେତେ ଗାଁରେ ନଳକୂପରୁ ଲୁହା ଗୁଣ୍ଡ ଓ ଗୋଳିଆ ପାଣି ବାହାରୁଛି । ଯାହାକି ପିଇବା ଉପଯୋଗୀ ହୋଇପାରୁନାହିଁ । ପିଇବା ପାଣି ପାଇଁ ଲୋକଙ୍କୁ ବହୁ ରାସ୍ତା ଅତିକ୍ରମ କରିବାକୁ ପଡୁଛି। ଲୋକଙ୍କ ଜଳ ଯନ୍ତ୍ରଣାକୁ ହୃଦୟଙ୍ଗମ କରି ତୁରନ୍ତ ପ୍ରକଳ୍ପ କାମ ସାରି ପାନୀୟ ଜଳ ଯୋଗାଇ ଦେବାକୁ ଦାବି ହୋଇଛି।

Leave A Reply

Your email address will not be published.

error: Content is protected !!