ଅନୁଗୁଳ: ମୃତ୍ତିକା ପ୍ରାଣୀ ଓ ଉଭିଦ ଭଳି ଜୀବନ୍ତ ଅଟେ। ସଂପ୍ରତି ମୃତ୍ତିକା ବହୁଳଭାବେ କ୍ଷୟ ହେବା ସହ ପ୍ରଦୂଷିତ ହେବା ମଣିଷ ସମାଜ ପାଇଁ ଏକ ଆହ୍ୱାନ ଅଟେ। ମୃତ୍ତିକା ସହିତ ଜୀବଜଗତ ଓ ଉଦ୍ଭଦ ଜଗତର ସମ୍ପର୍କ ନିବିଡ଼ ଅଟେ। ଏହାର ସଂରକ୍ଷଣ କ୍ଷେତ୍ରରେ ଜନ ସହଯୋଗ ଏକାନ୍ତ ଅପରିହାର୍ଯ୍ୟ ବୋଲି ଏକ ସଚେତନ ସଭାରେ ଅତିଥିମାନେ ମତବ୍ୟକ୍ତ କରିଛନ୍ତି । ବିଶ୍ଵ ମୃତ୍ତିକା ଦିବସ ପାଳନ ଅବସରରେ ବଅଁରପାଳ ବ୍ଲକ ଅନ୍ତର୍ଗତ କାଉଁଶିତଇଳାଠାରେ ଏକ ସଚେତନତା ସଭାର ଆୟୋଜନ କରାଯାଇଥିଲା। ପ୍ରକୃତି ପରିବେଶ ଓ ବନ୍ୟଜୀବନ ସମିତି(ନିୟୁଜ) ଓ କାଉଁଶିତଇଲା ବନ ସୁରକ୍ଷା ସମିତି ମିଳିତ ସହଯୋଗରେ ଅନୁଷ୍ଠିତ ସଭାରେ ଜିଲ୍ଲା କୃଷି ବିଭାଗର ସହକାରୀ ନିର୍ଦ୍ଦେଶକ ପ୍ରଦୀପ କୁମାର ନନ୍ଦ ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ ସାମାଜିକ କର୍ମୀ ଅଶୋକ କୁମାର ଶତପଥୀ, ଜଙ୍ଗଲପ୍ରେମୀ ଧ୍ରୁବ ଚରଣ ଦେହୁରୀ, ପରିବେଶପ୍ରେମୀ ତଥା ନାରୀ ନେତ୍ରୀ ସୁବର୍ଣ୍ଣ ଦେହୁରୀ ପ୍ରମୁଖ ଜଙ୍ଗଲ ସୁରକ୍ଷା, ଜଳ ସଂରକ୍ଷଣ ଏବଂ ମୃତ୍ତିକା ସୁରକ୍ଷା ଉପରେ ନିଜର ଅଭିଜ୍ଞତା ପ୍ରକାଶ କରିଥିଲେ । ସମିତିର ସମ୍ପାଦକ ପ୍ରସନ୍ନ ବେହେରା ଗ୍ରାମ ସ୍ତରରେ ଗଠିତ ସରକାରୀ, ବେସରକାରୀ ଓ ଗ୍ରାମ୍ୟ ଗୋଷ୍ଠୀ ଅନୁଷ୍ଠାନଗୁଡ଼ିକ ସତର୍କତା ସହିତ ପ୍ରକୃତି, ଜଙ୍ଗଲ, ଜଳ ଓ ମୁଭିକା ସୁରକ୍ଷା କ୍ଷେତ୍ରରେ ଯତ୍ନବାନ ହେବାକୁ ଅନୁରୋଧ କରିଥିଲେ କାର୍ଯ୍ୟକ୍ରମକୁ ସମିତିର ସଂଯୋଜକ ସୁବ୍ରତ ପ୍ରଧାନ ପରିଚାଳନା କରିଥିଲେ। ବନ ସୁରକ୍ଷା ସମିତି ସଭାପତି ସଂଗ୍ରାମ ଦେହୁରୀ ସ୍ଵାଗତ ଭାଷଣ ଦେଇଥିବା ବେଳେ ପ୍ରିୟବ୍ରତ ବେହେରା ଧନ୍ୟବାଦ ଦେଇଥିଲେ।