ଅନୁଗୁଳ: ଅନୁଗୁଳ ଜିଲ୍ଲା ବନ୍ତଳା ଥାନା ଅନ୍ତର୍ଗତ ଖାଲଗାଁର ଜଣେ ମହିଳାଙ୍କୁ ମାଡ଼ମାରିବା ଅଭିଯୋଗରେ ପୁଲିସ ଗୁରୁବାର ୩ ଜଣଙ୍କୁ ଗିରଫ କରିଛି। ସୂଚନା ମୁତାବକ, ଗାଁର ଟମାଟୋ ଗୋଛାୟତଙ୍କ ସ୍ତ୍ରୀ ଝିଲି ଗୋଛାୟତ(୩୫)ଙ୍କୁ ପୂର୍ବ ଶତ୍ରୁତାରୁ ବୁଧବାର ସେହି ଗାଁର ସାଗର ଗୋଛାୟତ(୨୩), ନାଲୁ ଗୋଛାୟତ(୧୯) ଓ ଚେମିଣି ଗୋଛାୟତ(୪୫) ଅଶ୍ଲିଳ ମନ୍ତବ୍ୟ ଦେଇ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ। ଏଥିରେ ଝିଲି ବିରୋଧ କରିବାରୁ ଏହି ୩ ଜଣଙ୍କ ଅନ୍ୟ କିଛି ଯୁବକ ଝିଲିଙ୍କୁ ଟଣା ଓଟରାକରି ନିସ୍ତୁକ ମାଡ଼ ମାରିଥିଲେ। ମା’ଙ୍କୁ ଉଦ୍ଧାର କରିବାକୁ ଆସି ଝିଲିଙ୍କ ପୁଅ ଅଜୟ ମଧ୍ୟ ମାଡ଼ଖାଇ ଆହତ ହୋଇଛନ୍ତି। ଏ ନେଇ ଝିଲି ଥାନାରେ ଲିଖିତ ଅଭିଯୋଗ କରିବାପରେ ପୁଲିସ ଏକ ମାମଲା ରୁଜୁକରି ୩ ଅଭିଯୁକ୍ତଙ୍କୁ ଗୁରୁବାର ଗିରଫକରି କୋର୍ଟ ଚାଲାଣ କରିଛି।
