ଅନୁଗୁଳ: ଆଠମଲ୍ଲିକ ଅବକାରୀ ବିଭାଗ ପକ୍ଷରୁ ସୋମବାର କମ୍ପଲା ଓ ବିଜିପୁର ଗାଁରେ ଚଢ଼ଉ କରାଯାଇଥିଲା। ଚୋରା ମଦ, ଗଞ୍ଜେଇ କାରବାର ଅଭିଯୋଗରେ ୨ଜଣଙ୍କୁ ଗିରଫ କରାଯାଇଛି। ବିଭାଗ ସୂତ୍ରରୁ ପ୍ରକାଶ, କମ୍ପଲା ଗାଁର ଧ୍ରୁବଚରଣ ଦାସ(୬୫) ଙ୍କ ଘରୁ ୭ କିଲୋ ଗଞ୍ଜେଇ ଜବତ କରାଯିବା ସହ କୁଦଗାଁ ପଞ୍ଚାୟତ ବିଜିପୁର ଗାଁର ରମେଶ ମୁଣ୍ଡା(୫୦)ଙ୍କଠାରୁ ୧୦ ଲିଟର ଦେଶୀମଦ ଜବତ କରାଯାଇଛି। ଏ ଘଟଣାରେ ଧ୍ରୁବଚରଣ ଓ ରମେଶଙ୍କୁ ଗିରଫକରି କୋର୍ଟ ଚାଲାଣ କରାଯାଇଛି । ଅବକାରୀ ଅଧିକାରୀ ଅନୀତା ଓଝାଙ୍କ ନେତୃତ୍ବରେ ଉପନିରୀକ୍ଷକ ପ୍ରଫୁଲ୍ଲ ପତି, ରମାକାନ୍ତ ଚାନ୍ଦ, ବଲବୀର ଗଡ଼ନାୟକ, ଶମ୍ଭୁପ୍ରସାଦ ନାଏକ, ମନୋଜ ବେହେରା, ବବୁଲ ଦେହୁରୀ, ସୌମ୍ୟା ସେଠୀ ଚଢ଼ଉ କରିଥିଲେ।
