ଅନୁଗୁଳ: ନିକଟରେ ବିଜେଡି ଦଳ ଛାଡିଥିବା ଦୁର୍ଗା ଚରଣ ପ୍ରଧାନ ଶେଷରେ
ବିଜେପିରେ ଯୋଗ ଦେଇଛନ୍ତି। ଅନୁଗୁଳ ବ୍ଲକ ଉପାଧ୍ୟକ୍ଷ ଓ ଜିଲ୍ଲା ବିଜେଡ଼ିର ସମ୍ପାଦକ ଏବଂ ତିନି ଥର ସମିତି ସଭ୍ୟ ହୋଇଥିବା ଦୁର୍ଗାଙ୍କ ପାଖରେ ଦୀର୍ଘ ୩୧ ବର୍ଷର ରାଜନୈତିକ ଅଭିଜ୍ଞତା ରହିଛି। କିଛି ଦିନ ହେଲା ଦୁର୍ଗାଙ୍କୁ ବିଜେଡ଼ି କୋଣ ଠେସା କରି ରଖିଥିଲା। ଉପଯୁକ୍ତ ସ୍ଥାନ ଓ ସମ୍ମାନ ନ ପାଇବାରୁ ଦୁର୍ଗା ଶେଷରେ ଗେରୁଆ ରଙ୍ଗକୁ ଆଦରିନେଲେ। ନୂଆଦିଲ୍ଳୀ ଠାରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପୂର୍ବତନ ମନ୍ତ୍ରୀ ସଂଜୀବ ସାହୁ ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରତାପ ପ୍ରଧାନଙ୍କ ଉପସ୍ଥିତିରେ ଦୁର୍ଗା ବିଜେପିରେ ଯୋଗ ଦାନ କରିଛନ୍ତି।ଏହାଦ୍ୱାରା ଅନୁଗୁଳ ବ୍ଲକ ରେ ବିଜେପି ର ଶକ୍ତି ବୃଦ୍ଧି ପାଇବ ବୋଲି କୁଆଯାଉଛି।
