“ପ୍ରାଣୀ ସମ୍ପଦ ସେବା” ନିମନ୍ତେ ଭ୍ରାମ୍ୟମାଣ ପଶୁ ସମ୍ପଦ ଆମ୍ବୁଲାନ୍ସର ଶୁଭାରମ୍ଭ କଲେ ଜିନ୍ଦଲର ଅଧ୍ୟକ୍ଷ ନବୀନ ଜିନ୍ଦଲ
ଅନୁଗୁଳ: “ପ୍ରାଣୀ ସମ୍ପଦ ସେବା” ନିମନ୍ତେ ଭ୍ରାମ୍ୟମାଣ ପଶୁ ସମ୍ପଦ ଆମ୍ବୁଲାନ୍ସର ଶୁଭାରମ୍ଭ କରିଛନ୍ତି ଜିନ୍ଦଲ ଷ୍ଟିଲ ଆଣ୍ଡ ପାୱାରର ଅଧ୍ୟକ୍ଷ ନବୀନ ଜିନ୍ଦଲ ଏବଂ ଜେଏସପି ଫାଉଣ୍ଡେସନ ଅଧ୍ୟକ୍ଷା ଶାଲୁ ଜିନ୍ଦଲ। ଏହି ଆମ୍ବୁଲାନ୍ସକୁ ସ୍ବତନ୍ତ୍ର ଭାବେ ପ୍ରସ୍ତୁତ କରାଯାଇଛି। ଅନୁଗୁଳ ଜିଲ୍ଲାର ପଶୁ ସମ୍ପଦ କଲ୍ୟାଣ ନିମନ୍ତେ ଏହା କାର୍ଯ୍ୟ କରିବ। ଏହି ଭ୍ରାମ୍ୟମାଣ ପଶୁ ସମ୍ପଦ ଭ୍ୟାନ ପଶୁ ସମ୍ପଦ ବିଶେଷଜ୍ଞ ଏବଂ ଅନ୍ୟାନ୍ୟ ପଶୁ ସମ୍ପଦ ପାରା-ଚିକିତ୍ସକଙ୍କ ଟିମ୍ ଦ୍ବାରା ପରିଚାଳିତ ଏବଂ ଆବଶ୍ୟକୀୟ ପଶୁ ସମ୍ପଦଙ୍କୁ ସେମାନଙ୍କର ଗୁଣାତ୍ମକ ଜୀବନ ନିମନ୍ତେ ସହାୟକ ହେବ।
ଏ ଅବସରରେ ନବୀନ ଜିନ୍ଦଲ କହିଥିଲେ, ଜେଏସପି ଫାଉଣ୍ଡେସନ ପକ୍ଷରୁ ବହୁବିଧ ସାମାଜିକ ଦାୟିତ୍ବବୋଧ (ସିଏସଆର) ପଦକ୍ଷେପ ମାନ ଗ୍ରହଣ କରାଯାଉଛି ଏବଂ ସେଥ୍ରେ ପଶୁ ସମ୍ପଦ ଯନ୍ତ୍ରକୁ ମଧ୍ୟ ସାମିଲ କରାଯାଇଛି। ଜେଏସପି ଗ୍ରାମୀଣ ଚାଷୀ ପରିବାରଙ୍କ ଅର୍ଥନୈତିକ ଉନ୍ନତି ନିମନ୍ତେ ଉତ୍ସର୍ଗୀକୃତ। ଏହି “ଜିନ୍ଦଲ ପ୍ରାଣୀ ସେବା” ଆମ୍ବୁଲାନ୍ସ ମାଧ୍ୟମରେ ପଶୁ ସମ୍ପଦଙ୍କର ନିୟମିତ ସ୍ବାସ୍ଥ୍ୟ ଅବସ୍ଥା ପରୀକ୍ଷା ସହ ଆବଶ୍ୟକୀୟ ଚିକିତ୍ସା ମଧ୍ୟ ପ୍ରଦାନ କରାଯିବ। ଏହା ଦ୍ବାରା ସଙ୍କଟଗ୍ରସ୍ତ ତଥା ବୁଲା ପଶୁମାନେ ବହୁଳ ଭାବେ ଲାଭାନ୍ବିତ ହୋଇପାରିବା ସାଙ୍ଗକୁ ସେମାନଙ୍କର ସରକାରୀ ନିୟମ ମୁତାବକ ଜନ୍ମ ନିୟନ୍ତ୍ରଣ ମଧ୍ୟ କରାଯାଇପାରିବ।
କାର୍ଯ୍ୟକ୍ରମରେ ଅନୁଗୁଳ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ନିରୋଦ କୁମାର ଦାସ, ସହ-ନିର୍ଦ୍ଦେଶକ ପ୍ରାଣୀ କଲ୍ୟାଣ ପ୍ରତାପ କୁମାର ପଟ୍ଟନାଏକ, ଅନୁଗୁଳ ପ୍ଲାଣ୍ଟ ମୁଖ୍ୟ ତଥା ନିର୍ବାହୀ ନିର୍ଦ୍ଦେଶକ ହୃଦୟେଶ୍ୱର ଝା, ର-ମେଟିରିଆଲ ମୁଖ୍ୟ ଆଶିଷ ପାଣ୍ଡେ, ରୂପ ମୁଖ୍ୟ ସିଏସଆର –ଶିକ୍ଷା ପ୍ରଶାନ୍ତ କୁମାର ହୋତା ପ୍ରମୁଖ ଉପସ୍ଥିତ ଥିଲେ।
