ଅନୁଗୁଳ: ଅନୁଗୁଳ ଆଦର୍ଶ ଥାନା ଅଧିକାରୀ ଭାବେ ମଙ୍ଗଳବାର ଦାୟିତ୍ବ ଗ୍ରହଣ କରିଛନ୍ତି ଇନ୍ସପେକ୍ଟର ପ୍ରଭାତ କୁମାର ତ୍ରିପାଠୀ। ଏହା ପୂର୍ବରୁ ସେ ଅନୁଗୁଳ ସଦର ଥାନାରେ ଅବସ୍ଥାପିତ ଥିଲେ। ଏଥିସହ ଜିଲ୍ଳାର କିଶୋରନଗର, ହଣ୍ଡପା ଓ କଣିହାଁ ଥାନା ଆଇଆଇସି ଭାବେ ସେ ସଫଳତାର ସହ ଦାୟିତ୍ଵ ନିର୍ବାହ କରିଛନ୍ତି। ଆଇନଶୃଙ୍ଖଳା ପରିସ୍ଥିତି, ମହିଳାଙ୍କ ସୁରକ୍ଷା ସହିତ ଜନସାଧାରଣଙ୍କୁ ଉତ୍ତମ ସେବା ଯୋଗାଇବାକୁ ପ୍ରାଥମିକତା ଦେବେ ବୋଲି ଆଦର୍ଶ ଥାନାର ନୂଆ ଆଇଆଇସି ଶ୍ରୀ ତ୍ରିପାଠୀ ପ୍ରକାଶ କରିଛନ୍ତି।
