ଅନୁଗୁଳ: ବିଶିଷ୍ଟ ସ୍ୱାଧୀନତା ସଂଗ୍ରାମୀ ପବିତ୍ର ମୋହନ ପ୍ରଧାନଙ୍କ ନାମରେ ପ୍ରଚଳିତ ହେଉ ସ୍ମାରକୀ ଡାକ ଟିକଟ। ଆଜି ଏ ନେଇ ଲୋକସଭାରେ ଦାବି ରଖିଛନ୍ତି ଢେଙ୍କାନାଳ ସାଂସଦ ରୁଦ୍ର ନାରାୟଣ ପାଣି। ଲୋକସଭାର ଶୂନ୍ୟକାଳରେ ସାଂସଦ ଶ୍ରୀ ପାଣି କେନ୍ଦ୍ର ସରକାରଙ୍କ ନିକଟରେ ଦାବି ଉପସ୍ଥାପନ କରି କହିଥିଲେ, ସ୍ୱାଧୀନତା ସଂଗ୍ରାମୀ ପବିତ୍ର ବାବୁ ସ୍ୱାଧୀନତା ସଂଗ୍ରାମରେ ଝାସ ଦେଇ କାରାବରଣ କରିଥିଲେ। ସେ ଏକାଧାରାରେ ଥିଲେ ଜଣେ କବି, ଲେଖକ, ସାହିତ୍ୟିକ ଓ ଶିକ୍ଷାବିତ୍‌। ସେ ଅନେକ ଥର ବିଧାୟକ, ସାଂସଦ, ମନ୍ତ୍ରୀ ଓ ଓଡ଼ିଶାର ଉପମୁଖ୍ୟମନ୍ତ୍ରୀ ହୋଇଥିଲେ। ତାଙ୍କ ସ୍ମୃତିରେ ସ୍ମାରକୀ ଡାକ ଟିକଟ ପ୍ରଚଳନ କରାଯାଉ ବୋଲି ସାଂସଦ ଶ୍ରୀ ପାଣି କହିଛନ୍ତି।