ଅଳଙ୍କାର ଦୋକାନରୁ ଚୋରି ଦେଢ଼ କିଲୋ ରୁପା, ୯ ଗ୍ରାମ୍ ସୁନା ଲୁଟିନେଲେ

0

ଅନୁଗୁଳ: ତାଳଚେର ଥାନା ଇଲାକା ତାଳବେଡ଼ା ଛକରେ ଏକ ବଡ଼ଧରଣର ଚୋରି ହୋଇଛି। ଦୁର୍ବୃତ୍ତ ଏକ ଅଳଙ୍କାର ଦୋକାନ ଓ ପୂଜା ସାମଗ୍ରୀ ଦୋକାନରେ କଳାକନା ବୁଲାଇଛନ୍ତି। ଅଳଙ୍କାର ଦୋକାନରୁ ଦେଢ଼ କିଲୋ ରୁପା ସାଙ୍ଗକୁ ୯ ଗ୍ରାମର ସୁନା ଲୁଟି ନେଇଛନ୍ତି। ଏ ନେଇ ତାଳଚେର ଥାନାରେ ଲିଖିତ ଅଭିଯୋଗ ହେବା ପରେ ପୁଲିସ୍ ମାମଲା ରୁଜ୍ଜୁ କରି ଅନୁସନ୍ଧାନ ଚଳାଇଛି। ପୁଲିସ୍ ସୂଚନା ମୁତାବକ, ତାଳବେଡ଼ାଠାରେ ମଦନ ମୋହନ ସେନାପତିଙ୍କ ଏକ ଅଳଙ୍କାର ଦୋକାନ ରହିଛି । ସେ ସୋମବାର ରାତି ୮ଟା ବେଳେ ଦୋକାନ ବନ୍ଦ କରି ଘରକୁ ଯାଇଥିଲେ । ମଙ୍ଗଳବାର ସକାଳେ ଦୋକାନରେ ପହଞ୍ଚିବା ବେଳକୁ ତାଲା ଭଙ୍ଗା ଯାଇଥିବା ଦେଖିବାକୁ ପାଇଥିଲେ। ଦୁର୍ବୃତ୍ତ ଦୋକାନ ଭଙ୍ଗାରୁଜା କରିବା ସହିତ ଦେଢ଼ କିଲୋ ରୁପା ଗହଣା, ଏକ ମଙ୍ଗଳସୂତ୍ର ସହ ୯ ଗ୍ରାମ୍ ଓଜନର ସୁନା ନେଇ ଯାଇଥିଲେ। ଏଥିସହିତ ତାଙ୍କ ଦୋକାନ ପାଖରେ ଥିବା ଏକ ପୂଜା ସାମଗ୍ରୀ ଦୋକାନରୁ ମଧ୍ୟ ଲୁଟପାଟ୍ କରିଥିଲେ ଦୁର୍ବୃତ୍ତ। ଦୋକାନର ତାଲା ଭାଙ୍ଗି ବିପୁଳ ପରିମାଣର ପୂଜା ସାମଗ୍ରୀ ଧରି ଚମ୍ପଟ୍ ମାରିଥିଲେ।

online coaching

Leave A Reply

Your email address will not be published.