ଅନୁଗୁଳ ଜିଲ୍ଲା ମହୋତ୍ସବ ନିମନ୍ତେ ପ୍ରକାଶିତ ହେବ ସ୍ମରଣିକା, ଡିସେମ୍ବର ୨୬ରୁ ଜାନୁୟାରୀ ୨ ମଧ୍ୟରେ ପଠାଇ ପାରିବେ ଲେଖା

ଅନୁଗୁଳ: ଆସନ୍ତା ଜାନୁୟାରୀ ୧୨ ତାରିଖ ଠାରୁ ୧୪ ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଯାଉଛି ଅନୁଗୁଳ ଜିଲ୍ଲା ମହୋତ୍ସବ। ଏ ଅବସରରେ ସ୍ମରଣିକା ପ୍ରକାଶନ ହେବ। ଏଣୁ ଜିଲ୍ଲାର ଲେଖକ ଓ ଲେଖକାଙ୍କୁ ସ୍ମରଣିକା ନିମନ୍ତେ ଲେଖା ଦେବାକୁ ଜିଲ୍ଲା ପ୍ରଶାସନ ପକ୍ଷରୁ ନିବେଦନ କରାଯାଇଛି।
ସୂଚନା ମୁତାବକ, ସ୍ମରଣିକା ପ୍ରକାଶନ ପାଇଁ ଚଳିତ ମାସ ତାରିଖରୁ ଆସନ୍ତା ଜାନୁୟାରୀ ୨ ତାରିଖ ମଧ୍ୟରେ ନିଜର ପ୍ରବନ୍ଧ ଜିଲ୍ଲା ସଂସ୍କୃତି କାର୍ଯ୍ୟାଳୟକୁ ଇ-ମେଲ (cultureofficeangula gmail.co) ଯୋଗେ କିମ୍ବା ସିଧାସଳଖ ପଠାଇପାରିବେ। ଏହି ପ୍ରବନ୍ଧ ଗୁଡିକ ଅନୁଗୁଳ ଜିଲ୍ଲାର ସାହିତ୍ୟ, ସଂସ୍କୃତି ଏବଂ ଐତିହ୍ୟ ସହ ଜଡ଼ିତ ଥିବା ଆବଶ୍ୟକ ବୋଲି କୁହାଯାଇଛି।